7月8日 -- 7月20日

勁食勁買勁喊姊妹團圓滿結束,

坐完近乎16小時既飛機, 已經身心俱疲,

明早又要開工....晚安.....(頂, 有時差, 依家仲好精神...)

倒數321.

呢排個個都倒數,

原來個個都走佬.

最近一打開msn個list就見到幾位人兄都倒數321,

皆因個個都去旅行.

肥仔今日去台灣, 批妹就返黎香港,

好可惜妳返黎我就走, 我返黎你就走....撞到應一應,

好彩尚餘一晚可以聚聚.

查實我自已都有份倒數321呢呢呢呢呢呢呢呢呢呢呢,

3日後, 我呢個表姊妹團既一份子就走佬去美加替表姐Mandy賀新婚之喜兼幫手,

..........順便搵豬流感LOL....just kidding....

行李收拾得八八九九, (特別鳴謝ray爺賜增既旅行菜瓜同馬屎, 多晒!)

成一年半無放過大假....諗起就感動得眼泛淚光....

而最關鍵既幾日黎啦,

一黎我要百毒不侵, 絕對唔病得.

二黎我要戒熱氣, 勤護膚.

所以, 我依家又要去敷馬屎啦! 拜拜!

BOOOOOOOOOOM!

幾時先boom到埋身?

btw, taboo呢個look, 成個夏肇聲咁款....

都係以前個長毛正d姐....

樂極生悲

噢, 好大塵,

又係時候上黎打掃下.

呢段時間我搞左d乜? 數不清, 講不清, 而且記不清,

唯有憑住依稀既記憶寫返出黎.

一到夏天, 一到五, 六月永遠都係全年最忙既日子.

因為我地大部份港女都係夏天生日呢!

尤其係打孖黎既kayan同holi (年年都要俾我鬧一次, hahahahahahaa)

祝所有夏天生日既港女都生日快樂啦! (我知我知...有無遲d呀嘛....我知....)

講起"快樂", 有樣野真係好"快樂",

因為遠處既批妹收到我寄俾佢既"快樂"呢呢呢呢呢呢,

究竟呢個"快樂"係咩? 咪就係......

佢囉!

大少奶出第二本啦!

而且今次呢本書我覺得好岩批妹呢~

你今日快樂左未啊~~~~~

我既快樂方程式都離不開食,

所以我尋晚又快樂左啦! 就係同阿ray去...."快樂"囉.....

咪諗錯隔離, 我地只係去食餐飯, 吹下水姐.

而且.........................我仲有機會玩佢個新玩具-450d呢!

滿足下我呢個餓左好耐既"準攝影師".....hahahaaaa

我第一幅既驚世巨作啊!!!! (乜Q都唔識, 亂打亂撞, 嚇死街坊lol...)

講完快樂, 講下唔快樂....

話說今日睇下缸魚仔唔小心整跌左條毛巾,

正當我烏低身執完條毛巾....

一起身..........一起身.....................一起身......

一聲巨響, 應聲倒地, 淚如雨下.

我撞左落個門鎖度.....

人地可能以為我練緊鐵頭功,

連眼鏡都撞飛埋....痛到我坐左o係度標眼淚=.=.....

結果呢,

依家個頭尖左,

鬼咩, 腫到成個乒乓波咁!!

呢d叫唔叫樂極生悲呀?

女人通病

每個女人都係天生購物狂,

只係視乎有無能力去勝任, 我講緊妳個荷包.

都唔知幾耐無買野俾自已開心下 (我承認呢個係藉口, 哈哈)

今日終於可以重拾呢番滋味,

就係瘋狂購物啦! (對我黎講係好瘋狂)

掃左半個荃灣, 我既斬鑊價值 $226,

Skin food 指甲油 (真係好好用! 忍唔住又入多支啊!)---$30

Skin food 眼線筆---$55

我的美麗日記: 蘋果面膜---$52 (Sasa做緊減價, 唔理三七廿一入左貨先)

岩晒夏天用既激大紫色tote bag---$89 (我呢個懶人對激大tote bag係情有獨鐘!)

痛快過後, 大出血過後,

依家嚴重貧血, 荷包乾塘, 連帶後遺症就係發錢寒,

睇怕呢個禮拜要挨面包,

都唔知有無錢買呀! 哈哈哈哈

好刺激既尋找拖鞋的故事, 或者呢個都叫做因禍得福啦,

ling妹對涼鞋真係好靚好靚啊!

三個螢光袋真係好sharp好sharp啊!

可一不可再, 下次唔同妳地出街! 哈哈!